2015 jylǵy 27 aqpan, Astana qalasy
Tehnologııalardy kommersııalandyrýǵa arnalǵan ınnovasııalyq granttar berý qaǵıdalaryn bekitý týraly
«Indýstrııalyq-ınnovasııalyq qyzmetti memlekettik qoldaý týraly» 2012 jylǵy 9 qańtardaǵy Qazaqstan Respýblıkasy Zańy 5-babynyń 20) tarmaqshasyna sáıkes buıyramyn:
1. Qosa berilip otyrǵan Tehnologııalardy kommersııalandyrýǵa arnalǵan ınnovasııalyq granttar berý qaǵıdalary bekitilsin.
2. Qazaqstan Respýblıkasy Investısııalar jáne damý mınıstrliginiń Tehnologııalyq jáne ınnovasııalyq damý departamenti (A.B.Batyrqoja):
1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin, onyń kóshirmesin on kúntizbelik kún ishinde merzimdi baspa basylymdarynda jáne Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaý úshin jiberýdi;
3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda resmı jarııalanýyn jáne memlekettik organdardyń ıntranet-portalynda ornalastyrylýyn;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Investısııalar jáne damý vıse-mınıctri E.K. Saǵadıevke júktelsin.
4. Osy buıryq onyń alǵashqy resmı jarııalanǵan kúninen basptap qoldanysqa engiziledi.
Qazaqstan Respýblıkasynyń Investısııalar
jáne damý mınıstri Á.ISEKEShEV.
«KELISILDI»
Qazaqstan Respýblıkasynyń Qarjy mınıstri
__________________ B.SULTANOV
2015 jylǵy 4 qyrkúıek
«KELISILDI»
Qazaqstan Respýblıkasynyń Ulttyq ekonomıka mınıstri
__________________ E.DOSAEV
2015 jylǵy «_____» __________
«KELISILDI»
Qazaqstan Respýblıkasynyń Ulttyq ekonomıka mınıstriniń mindetin atqarýshy
_______________ T.JAQSYLYQOV
2015 jylǵy 24 shilde
Qazaqstan Respýblıkasy Investısııalar jáne damý mınıstriniń
2015 jylǵy 27 aqpandaǵy №210 buıryǵymen bekitildi
Tehnologııalardy kommersııalandyrýǵa arnalǵan ınnovasııalyq granttardy berý qaǵıdalary
1. Jalpy erejeler
1. Osy Tehnologııalardy kommersııalandyrýǵa ınnovasııalyq granttardy berý qaǵıdalary (budan ári - Qaǵıdalar) «Indýstrııalyq-ınnovasııalyq qyzmetti memlekettik qoldaý týraly» Qazaqstan Respýblıkasynyń 2012 jylǵy 9 qańtardaǵy Zańynyń 5-babynyń 20) tarmaqshasyna sáıkes ázirlendi jáne Tehnologııalardy kommersııalandyrýǵa arnalǵan ınnovasııalyq granttardy berý tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) aldyn-ala qaraý – jobanyń júzege asyrý maqsattylyǵyn, onyń ishinde olardyń ınnovasııalyq granttardy usynýdyń basym baǵyttaryna, ınnovasııalylyq krıterıılerine, aýqymdylyǵyna, ótinish berýshiniń quzyrettiligine qarastyrý;
2) aldyn-ala ótinim - osy Qaǵıdalardyń talaptaryna sáıkes ótinish berýshiniń saýalnamasy, joba pasporty jáne jobanyń odan ári damýynyń kórinisi;
3) grant alýshy – osy Qaǵıdalarǵa sáıkes grant alǵan jeke nemese zańdy tulǵa;
4) granttyq qarjylandyrý boıynsha komıssııa – ınnovasııalyq granttardy berýdiń basym baǵyttary boıynsha ulttyq ınstıtýt quratyn konsýltatıvtik-keńesshi organdar;
5) ındýstrııalyq-ınnovasııalyq joba (budan ári – joba) – tehnologııalar transfertine, jańa nemese jetildirilgen óndirister, tehnologııalar, taýarlar, jumystar jáne qyzmetter jasaýǵa baǵyttalǵan, belgili bir ýaqyt merzimi ishinde iske asyrylatyn is-sharalar kesheni;
6) ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organ (budan ári – ýákiletti organ) – ındýstrııa jáne ındýstrııalyq-ınnovasııalyq damý salasyndaǵy basshylyqty júzege asyratyn, sondaı-aq zańnamada kózdelgen shekterde salaaralyq úılestirýdi jáne ındýstrııalyq-ınnovasııalyq qyzmetti memlekettik qoldaýdy iske asyrýǵa qatysýdy júzege asyratyn ortalyq atqarýshy organ;
7) ınnovasııalyq grant – ınnovasııalyq granttar berýdiń basym baǵyttary sheńberinde ındýstrııalyq-ınnovasııalyq qyzmet sýbektileriniń ındýstrııalyq-ınnovasııalyq jobalaryn iske asyrý úshin olarǵa óteýsiz negizde beriletin bıýdjet qarajaty;
8) tájirıbelik laboratorııalyq úlgi – óndiriske qosý jáne (nemese) maqsaty boıynsha paıdalaný maqsatynda synaý jolymen onyń belgilengen tehnıkalyq talaptarǵa sáıkestigin teksergennen keıin jańadan ázirlengen jumys qujattamasy boıynsha daıyndalǵan ónimniń úlgisi;
9) ónimniń testtik toptamasy - ónimderdiń belgilengen talaptarǵa sáıkestigin baqylaý jáne ony óndiriske shyǵarýǵa qoıý týraly sheshim qabyldaý úshin jańadan ázirlengen bir qujattama boıynsha belgilengen ýaqyt aralyǵynda daıyndalǵan tájirıbelik úlgileriniń jıyntyǵy nemese ónimderiniń belgili-bir kólemi;
10) eksperementaldyq ónerkásiptik úlgi - ónimdi óndirý kezindegi bólek minezdemelerdi anyqtaý jáne usynylǵan sheshimderdi tekserý úshin, óndirýge anyqtalǵan ónimniń negizgi belgilerine ıe, ónimniń úlgisi;
11) ótinim – osy Qaǵıdalardyń talaptaryna sáıkes qajetti materıaldar men qujattar qosa belgilengen úlgidegi ótinish;
12) ótinish berýshi – qyzmetin Qazaqstan Respýblıkasynyń aýmaǵynda júzege asyratyn, osy Qaǵıdalarǵa sáıkes ınnovasııalyq grant alýǵa arnalǵan ótinimin qaraýǵa usynǵan tulǵa;
13) tehnologııalardy kommersııalandyrý – oń ekonomıkalyq áser alýǵa baǵyttalǵan jańa nemese jetildirilgen taýarlardy, prosester men qyzmetterdi naryqqa shyǵarý maqsatynda ǵylymı jáne (nemese) ǵylymı-tehnıkalyq qyzmet nátıjelerin praktıkalyq paıdalanýǵa baılanysty qyzmet;
14) ulttyq ınstıtýttyń ýákiletti tulǵasy – tulǵa, tehnologııalyq damý salasyndaǵy ulttyq ınstıtýttyń birinshi basshysymen aıqyndalatyn ulttyq ınstıtýttyń basshysynyń orynbasarlarynyń biri.
3. Innovasııalyq granttar ótinish berýshilerge ındýstrııalyq-ınnovasııalyq qyzmetti memlekettik qoldaý týraly Qazaqstan Respýblıkasynyń zańnamasyna sáıkes ınnovasııalyq granttar berýdiń basym baǵyttary sheńberinde beriledi.
4. Ýákiletti organnyń tapsyrysy boıynsha nemese ýákiletti organ uıymdastyrylǵan baıqaýlardyń júldegerleri ınnovasııalyq grantty ótinimderdi aldyn-ala qaraý, táýelsiz saraptama júrgizý, granttyq qarjylandyrý boıynsha komıssııasynyń qaraýy kezeńderinen ótpesten ınnovasııalyq granttyń birinshi kezeńniń kelisim-shartty jasaıdy.
5. Osy Qaǵıdalarǵa sáıkes tehnologııalyq damý salasyndaǵy ulttyq ınstıtýttyń (budan ári – ulttyq ınstıtýt) ınnovasııalyq granttardy berýi, ýákiletti organ jáne ulttyq ınstıtýttyń arasynda jasalǵan kelisim-sharttyń negizinde júzege asyrylady.
6. Granttardy berý salasyndaǵy aqparattyq qamtamasyz etý ulttyq ınstıtýtpen júzege asyrylady.
7. Grantty berý jónindegi kelisim-shartqa qol qoıylǵanǵa deıingi ótinish berýshilermen málimdelgen jobany júzege asyrý maqsatyndaǵy shyǵyndary ótelmeıdi.
8. Ulttyq ınstıtýt quzyret berilgen ózge zańdy tulǵa ótinim týraly aqparattyń ulttyq ınstıtýttyń aksıonerin, ýákiletti organdy qospaǵanda jáne Qazaqstan Respýblıkasynyń zańnamalyq aktilerinde belgilengen jaǵdaılardan basqa ınnovasııalyq granttardy berý prosesine qatysy joq úshinshi tulǵalarǵa jarııa etpeýin qamtamasyz etedi.
9. Tehnologııalardy kommersııalandyrýǵa ınnovasııalyq grantty berýge ótinim berilgen mezette ǵylymı zertteýler aıaqtalýy jáne jobanyń komandasy qalyptasýy tıis.
10. О́tinish berýshiniń osy Qaǵıdalarda kózdelgen ınnovasııalyq granttyń bir túrine ótinim berýi ony ındýstrııalyq-ınnovasııalyq qyzmetti memlekettik qoldaý týraly zańnamada kózdelgen ózge ınnovasııalyq granttardy alýǵa umtylysy quqyǵyn shektemeıdi.
11. Innovasııalyq granttar jobany iske asyrýdyń mynadaı kezeń shyǵyndardyń bir bóligin tóleý túrinde beriledi:
1) birinshi kezeń: ónimniń tájirıbelik laboratorııalyq úlgisin jasaý;
2) ekinshi kezeń: ónimniń eksperementaldyq ónerkásiptik úlgisin jasaý;
3) úshinshi kezeń: ónimniń testtik toptamasyn shyǵarý jáne satý.
Innovasııalyq granttardy beri sharttary osy Qaǵıdalarǵa 1 qosymshada kórsetilgen.
12. О́tinish berýshi ınnovasııalyq grantty alýǵa ótinimdi, aldyńǵy kezeńderdi ótpeı, ekinshi jáne (nemese) úshinshi kezeńge beredi.
2. Tehnologııalardy kommersııalandyrýǵa ınnovasııalyq grantty berý tártibi
1 Paragraf. Tehnologııalardy kommersııalandyrýǵa ınnovasııalyq grantty berý
13. Ulttyq ınstıtýt jylyna 2 (eki) retten kem emes resmı buqaralyq aqparat quraldarynda jáne ulttyq ınstıtýttyń resmı ınternet-saıtynda ótinimderdi qabyldaý meken-jaıyn, baılanysatyn adamdardy, sarapshy keńester/komıssııalardyń otyrysy ótetin kúni men ornyn kórsete otyryp grant alýǵa ótinimder qabyldaý men qaraýdyń bastalǵany týraly habarlandyrýdy jarııalaıdy.
14. Ulttyq ınstıtýt ınnovasııalyq granttardy berý rásimderin júrgizý týraly esepti ulttyq ınstıtýt pen ýákiletti organnyń arasynda jasalǵan kelisim-shartta belgilengen merzimde ýákiletti organǵa usynady.
15. Innovasııalyq granttardy berý rásimderin júrgizý týraly esep berý ınnovasııalyq granttardy berý rásimderin, ultyq ınstıtýt qarastyrmaǵan ýaqyttarda túsken ótinimderdi aldyn-ala qaraýdan basqa, toqtatpaıdy.
16. Qaǵıdanyń 15 tarmaǵyna saı, ýákiletti organǵa esepti tapsyrǵanǵa deıin qabyldanǵan ótinimder boıynsha ınoovasııalyq granttardy berý rásimderin júrgizý qyzmetterin tóleý, kelesi jyly júrgiziledi. Ulttyq ınstıtýttyń osy qyzmetteri kelesi qarjy jyldynyń aralyq esebinde kórsetiledi.
17. Innovasııalyq granttardy berý rásimi kelesi kezeńderden turady:
1) aldyn-ala ótinimdi ulttyq ınstıtýtpen qabyldaý jáne tirkeý;
2) granttyq qarjylandyrý boıynsha komıssııanyń aldyn-ala ótinimdi qarastyrý;
3) granttyq qarjylandyrý boıynsha komıssııamen aldyn-ala ótinim boıynsha usynymdar berýi;
4) ulttyq ınstıtýttyń ýákiletti tulǵasymen granttyq qarjylandyrý boıynsha komıssııanyń jobany qaraý nátıjesi týraly ótinish berýshininiń habardar etilýi;
5) ótinishterdiń osy Qaǵıdaǵa sáıkestigin ulttyq ınstıtýtpen qabyldanýy jáne tekserilýi;
6) ulttyq ınstıtýttyń ýákiletti tulǵasymen ótinishterdiń osy Qaǵıdaǵa sáıkes emestigi (bar bolǵan jaǵdaıda) týraly ótinish berýshininiń habardar etilýi;
7) ulttyq ınstıtýttyń ótinimderdi táýelsiz saraptaýdy ótkizýdi uıymdastyrýy;
8) ulttyq ınstıtýttyń ýákiletti tulǵasymen tartylǵan eki táýelsiz sarapshynyń teris qorytyndylary týraly ótinish berýshininiń habardar etilýi;
9) ulttyq ınstıtýtpen kórsetilgen shyǵyndardyń negizdiliginiń tekserilýi;
10) ulttyq ınstıtýtpen kórsetilgen shyǵyndardyń negizdiliginiń tekserilýi týraly ótinish berýshininiń habardar etilýi;
11) granttyq qarjylandyrý boıynsha komıssııamen ınnovasııalyq grantty berý nemese bermeý týraly usynymnyń berilýi;
12) granttyq qarjylandyrý boıynsha komıssııanyń teris usynymy týraly ótinish berýshininiń habardar etilýi;
13) ınnovasııalyq grant berý týraly oń sheshimniń qabyldanýy bolǵan jaǵdaıda ınnovasııalyq grant berý týraly ulttyq ınstıtýttyń grantalýshymen kelisim-shart qabyldaýy;
14) kelisim-shartqa sáıkes ınnovasııalyq grant qarjysynyń aýdarylýy;
15) ınnovasııalyq grant berý týraly kelisim-shartqa sáıkes júrgiziletin jobalardyń monıtorıngi.
Qaǵıdanyń osy tarmaǵynyń 2)-4) jáne 6)-12) tarmaqshalarynda kórsetilgen ınnovasııalyq grant berý prosedýralarynyń barlyq kezeńderiniń ulttyq ınstıtýttyń suranysy boıynsha ótinish berýshi qosymsha qujattar berý kezeńiń qospaǵanda jalpy ótkizilý merzimi 45 (qyryq bes) jumys kúnnen aspaýy tıis.
18. Ulttyq ınstıtýt osy Qaǵıdaǵa sáıkes aldyn-ala ótinimderdi tirkeıdi. Aldyn-ala qaraýǵa qatysý úshin ótinish berýshi ótinimin elektrondyq poshta arqyly ulttyq ınstıtýttyń aldyn-ala ótinishterdi qaraý týraly jarııalaýynda kórsetilgen elektrondyq meken-jaıyna qajetti materıaldardy jáne qujattardyń skanerlengen kóshirmelerin joldaıdy.
19. Ulttyq ınstıtýt ınnovasııalyq grant alýǵa ótinish berý týraly usynym shyǵarý úshin granttyq qarjylandyrý boıynsha komıssııa otyrysyn ótkizý arqyly aldyna ala ótinishterdi qabyldaý merzimi aıaqtalǵan son 5 (bes) jumys kún ishinde ótinishtiń aldyn-ala qarastyrýyn uıymdastyrady.
20. Granttyq qarjylandyrý boıynsha komıssııanyń qyzmetin men quramy uıymdastyrý ulttyq ınstıtýttyń aktilerimen retteledi.
21. Granttyq qarjylandyrý boıynsha komıssııanyń otyrysy granttyq qarjylandyrý boıynsha komıssııa músheleriniń otyrystaǵy jaı kópshiligi qatysqanda zańdy dep esepteledi.
Granttyq qarjylandyrý boıynsha komıssııanyń sheshimi sol otyrystaǵy múshelerdiń jaı kópshiliginiń daýysymen qabyldanyp, hattamamen rásimdelenedi. Tepe-teń daýys bolǵan jaǵdaıda granttyq qarjylandyrý boıynsha komıssııanyń tóraǵasynyń daýysy sheshýshi bolyp tabylady.
22. Granttyq qarjylandyrý boıynsha komıssııanyń otyrysyna óz jobasynyń tanystyrylymyn ótkizý úshin ótinish berýshi shaqyrylady.
23. Aldyn-ala ótinimdi qaraý boıynsha granttyq qarjylandyrý boıynsha komıssııany ótkizgen kúnnen keıin 2 (eki) jumys kún ishinde granttyq qarjylandyrý boıynsha komıssııa ınnovasııalyq grant alýǵa (bolǵan jaǵdaıda) jobany jaqsartý jónindegi usynymdy nemese tıisti negizdemeni qosa ótinim berý týraly oń nemese teris usynymdy ázirleıdi.
24. Ulttyq ınstıtýttyń ýákiletti tulǵasy usynymdy ázirlegennen keıin 3 (úsh) jumys kúnnen keshiktirmeı granttyq qarjylandyrý boıynsha komıssııa otyrysynyń nátıjesi boıynsha kelesi kezenge ótken ótinish berishilerdiń tizimin ulttyq ınstıtýttyń ınternet resýrsynda jarııalaıdy.
25. Ulttyq ınstıtýttyń ýákiletti tulǵasy usynymdy ázirlegennen keıin 3 (úsh) jumys kúnnen keshiktirmeı granttyq qarjylandyrý boıynsha komıssııa otyrysynyń teris qorytyndysy týraly tıisti ótinish berýshilerdi negizdemeni qosy otyryp, habardar etedi.
26. Granttyq qarjylandyrý boıynsha komıssııanyń aldyn-ala qaraýynan ótken ótinish berýshi ınnovasııalyq grantty alýǵa tıisti usynymdardy qosa (bolǵan jaǵdaıda) ótinish beredi.
Teris qorytyndy alǵan ótinish berýshi jobasyn qaıta pysyqtap, kelesi ótinishterdi qabyldaý kezinde aldyn-ala qaraýǵa qaıta beredi.
27. Ulttyq ınstıtýt jylyna 2 (eki) retten kem emes, arasy 40 (qyryq) kúnnen kem emes, belgilengen ýaqytta, ótinimderdi qarastyrý jumysyn júrgizedi. Ulttyq ınstıtýt belgilengen ýaqyttan tys túsken ótinimder qarastyrylmaıdy.
28. Ulttyq ınstıtýt 1 jumys kúnnen aspaı barlyq túsken ótinimderdi tirkeıdi jáne olardyń Qaǵıdalarǵa sáıkestigin tekserýdi júzege asyrady .
29. О́tinishterdiń osy Qaǵıdalarǵa sáıkestigin tekserý kezeńinen keıin, ulttyq ınstıtýt ótinish berýshige tabylǵan sáıkessizdikter (bolǵan jaǵdaıda) týraly ótinish berýshiniń saýalnamada kórsetilgen poshtasyna jáne elektrondyq poshtaǵa habarlandyrýdy jiberedi.
30. О́tinim osy Qaǵıdalarǵa sáıkes kelmegen jaǵdaıda, ótinish berýshi sáıkessizdikti joıyp, Qaǵıdalarǵa sáıkes ótinim nemese jetispeıtin materıaldardy jáne (nemese) qujattardy qaıta usynady.
Eger ótinimdi qaıta usyný kezinde, ulttyq ınstıtýtpen anyqtalǵan sáıkessizdikter joıylmasa, ol aǵymdaǵy jylda qaraý múmkindigisiz qaıtarylady.
Jetispeıtin jáne (nemese) durystalǵan materıaldar jáne (nemese) qujattardy usyný kezeńi kezinde, ótinimdi qarastyrý kezeni toqtatylady.
Eger 15 (on bes) jumys kún ishinde suratylǵan materıaldar jáne (nemese) qujattar usynylmasa, ótinim ótinish berýshige odan ári qaraýsyz qaıtarylady.
31. Ulttyq ınstıtýt táýelsiz saraptamany júrgizý úshin otandyq jáne shetel sarapshylaryn tartady.
Táýelsiz saraptamany jýrgizý jáne táýlsiz sarapshylardy irikteý talaptary osy Qaǵıdalardyń 2 qosymshasynda kórsetilgen.
32. Eger táýelsiz saraptamany júrgizýge eki sarapshy tartylǵan jaǵdaıda ótinim táýelsiz sarapshylardyń birinen teris qorytyndy alsa, ulttyq ınstıtýt úshinshi táýelsiz sarapshyny tartady.
33. Eger táýelsiz saraptamany júrgizýge tartylǵan eki táýelsiz sarapshylardan teris qorytyndy alynǵan jaǵdaıda ulttyq ınstıtýttyń ýákiletti tulǵasy ınnovasııalyq granta berýden bas tartatyny týraly sheshim qabyldap 2 (eki) jumys kúnnen keshiktirmeı tartylǵan táýelsiz sarapshylardyń qorytyndysyn qosa tıisti ótinish berýshini habardar etedi.
34. Ulttyq ınstıtýt táýelsiz saraptamany júrgizý nátıjesi boıynsha tartylǵan 2 (eki) táýelsiz sarapshylardan oń qorytyndysyn alǵannan keıin ótinim boıynsha málimdelgen shyǵyndardyń negizdiligin tekseredi.
35. Málimdelgen shyǵyndardyń negizdiligin baǵalaýdy júrgizý tártibi ulttyq ınstıtýttyń ınternet-resýrsynda ornalasatyn aktisimen retteledi jáne ulttyq ınstıtýttyń ınternet-resýrsynda ornalastyrylady.
36. Shyǵyndardyń negizdiligin baǵalaýdy júrgizýge usynylǵan aqparattyń jetispeýshiligi kezinde ulttyq ınstıtýt ótinish berýshimen málimdelgen shyǵyndardy rastaıtyn qosymsha aqparatty, ótinish berýshiniń saýalnamasynda kórsetilgen ótinish berýshiniń elektrondyq meken-jaıyna jáne poshta arqyly bir retten aspaı suraıdy.
37. О́tinish berýshi ulttyq ınstıtýtqa málimdelgen shyǵyndardy rastaıtyn suralǵan materıaldardy jene (nemese) qujattardy, jeke tulǵa bolǵan jaǵdaıda - óziniń qolymen, zańdy tulǵa bolǵan jaǵdaıda - mekemeniń birinshe basshysy nemese ýákiletti tulǵanyń atynan, 15 (on bes) kúnnen aspaıtyn ýaqytta joldama hatpen elektrondyq poshta arqyly usynady.
О́tinish berýshimen jetispeıtin jáne (nemese) túzetilgen qujattardy berý merziminde ulttyq ınstıtýtpen ótinimdi qaraý merzimi toqtatylady.
Suratylǵan qujattar tıisti suratý kúninen bastap 15 (on bes) jumys kúnniń ishinde usynylmaǵan jaǵdaıda ótinim ótinish berýshige budan ári qaraýsyz qaıtarylady.
38. Tekserý qorytyndysy boıynsha eseptelingen málimdengen shyǵyndardyń mólsheri múmkin qarajat mólsheri retinde shyǵyn baptary boıynsha jumsaýǵa boljanatyn shyǵyndar bolyp belgilenedi.
39. Eger málimdelgen shyǵyndardyń negizdiligin tekserý kezinde ótinim berýshi joba boıynsha málimdelgen somany tolyq kólemde negizdemese, suranylǵan shyǵyndardyń somasy, málimdelgen shyǵyndar somasyna tepe-teń azaıtylady.
40. Ulttyq ınstıtýt málimdengen shyǵyndardyń negizdiligin baǵalaý aıaqtalǵannan keıin 1 (bir) jumys kún ishinde málimdengen shyǵyndardyń negizdiligin baǵalaý nátıjelerin ótinish berýshiniń saýalnamasynda kórsetilgen mekenjaıǵa tanysý úshin joldanady.
41. О́tinish berýshi 5 (bes) jumys kúnniń ishinde elektrondy poshta ulttyq ınstıtýt atyna shyǵyndardyń negizdiliginiń qortyndysymen kelisý nemese kelispeýi týraly ózińniń qoltańbasy bar (ótinish berýshi jeke tulǵa bolǵan jaǵdaıda) nemese ýákiletti tulǵanyń nemese ótinish berýshi - uıymynyń birinshi basshysynyń qoltańbasy bar (ótinish berýshi zańdy tulǵa bolǵan jaǵdaıda) hatty joldaıdy.
О́tinish berýshi shyǵyndardyń negizdiliginiń qortyndysymen kelisý nemese kelispeý týraly hatty berý kezeńinde ulttyq ınstıtýt ótinimdi qarastyrýyn toqtatady.
42. О́tinish qabyldaýdyń aǵymdaǵy kezeniniń barlyq ótinish berýshiniń shyǵyndardyń negizdiligin tekserýdiń nátıjeleri boıynsha jazbasha kelisýi nemese kelispeýin alǵannan keıin ulttyq ınstıtýt 5 (bes) kún ishinde jobany jaqsartý (bolǵan jaǵdaıda) nemese alýdan bas tartý tıisti negizdi qosa ınnovasııalyq grantty berý týraly nemese ınnovasııalyq grantty berýden bas tartý týraly ulttyq ınstıtýtqa usynymdardy ázirleý úshin granttyq qarjylandyrý boıynsha komıssııa otyrysynyń ótkizilýin qamtamasyz etedi.
Granttyq qarjylandyrý boıynsha komıssııanyń otyrysyna óz jobasynyń tanystyrylymyn ótkizý úshin ótinish berýshi shaqyrylady.
43. Granttyq qarjylandyrý boıynsha komıssııa otyrysynyń hattamasyna qol qoıǵan kúnnen 3 (úsh) jumys kúnnen keshiktirmeı ulttyq ınstıtýttyń ýákiletti tulǵasy ótinish berýshige tıisti hattamany qosa jazbasha habarlama joldaıdy.
44. Granttyq qarjylandyrý boıynsha komıssııa otyrysynyń usynymy negizinde ulttyq ınstıtýt ınnovasııalyq grantty beredi nemese berýden bas tartady.
45. Innovasııalyq grant nysany ulttyq ınstıtýtpen aıqyndalatyn ótinish berýshi men ulttyq ınstıtýt asaryndaǵy ekijaqtyq ınnovasııalyq grant alý kelisim-sharty arqyly beriledi.
46. Ulttyq ınstıtýt granttyq qarjylandyrý boıynsha komıssııanyń hattamasyna qol qoıylǵan kúnnen keıin 10 (on) jumys kún ishinde ınnovasııalyq grant berý týraly kelisim-shartqa qol qoıý úshin ótinish berýshige joldaıdy.
Eger ótinish berýshi osy Qaǵıdalardyń birinshi qosymshasynda kórsetilgen Innovasııalyq granttady berý talaptarynyń 1 tarmaǵyn oryndaǵan jaǵdaıda ulttyq ınstıtýt 10 (on) jumys kún ishinde ınnovasııalyq grant berý týraly kelisim-shartqa qol qoıý úshin ótinish berýshige joldaıdy.
О́tinish berýshi osy Qaǵıdalardyń birinshi qosymshasynda kórsetilgen Innovasııalyq granttady berý talaptarynyń 1 tarmaǵyn oryndý kezeninde ótinishti qaraý kezeni toqtatylady.
47. Ýákiletti organnyń tapsyrysy boıynsha nemese ýákiletti organ ótkizetin baıqaýlardyń júldegerlerimen ınnovasııalyq granttardy berý týraly kelisim shartty jasasý úshin ulttyq ınstıtýtpen ótinish berýshige ulttyq ınstıtýtqa ótinish tapsyrý kúninen bastap 15 (on bes) jumys kún ishinde jiberiledi.
48. Eger ınnovasııalyq grant berý týraly shartty alǵannan keıin 15 (on bes) jumys kún ishinde ınnovasııalyq grant berý týraly sharty ótinish berýshiniń kesirinen jasalmaǵan jaǵdaıda ulttyq ınstıtýttyń ýákiletti tulǵasy grant berýden bas tartý jáne buryn berý týraly qabyldanǵan sheshimniń kúshin joııý týraly sheshimdi qabyldaıdy.
49. Innovasııalyq grant berý týraly kelisim-shartqa qol qoıylǵan kúnnen keıin 3 (úsh) kún ishinde onyń kóshirmesi ýákiletti organǵa joldanady.
50. Innovasııalyq grant berý týraly jasasqan kelisim-shartqa sáıkes jobanyń iske asyrylýyn baqylaý maqsatynda ulttyq ınstıtýt ınnovasııalyq grant berý týraly jasasqan kelisim-shart talaptaryna sáıkes jobany iske asyrylýy barysynyń únemi monıtorıngin júrgizedi.
51. Innovasııalyq granttar berý týraly jasasqan kelisim-sharttar boıynsha jobalardyń monıtorıngin júrgizý ulttyq ınstıtýttyń aktisimen retteledi jáne onyń ınternet-resýrsynda ornalastyrylady.
52. Innovasııalyq grantyń qarajattarynyń grant alýshyǵa aýdarylýy ınnovasııalyq grantty berý týraly jasalǵan kelisim-sharttyń sharttaryna sáıkes ulttyq ınstıtýttyń is-sharalar (áreketter) atqarýyn taldaý júrgizý nátıjeleri boıynsha kezeń-kezeńimen júrgiziledi.
53. Ulttyq ınstıtýt ınnovasııalyq grant berý týraly sheshim qabyldanǵan jobalar boıynsha aqparatty ınternet-resýrsynda ornalastyrylady.
2 Paragraf. Tehnologııalardy kommersııalandyrýǵa ınnovasııalyq grantty
alý úshin qujattar men (nemese) materıaldardyń tizbesi
54. Tehnologııalardy kommersııalandyrýǵa grantty alý úshin ótinish berýshiler aldyn-ala qaraý satysynda ulttyq ınstıtýtqa kelesi qujattardyń usynady:
1) osy Qaǵıdalardyń 3-qosymshasyna sáıkes nysan boıynsha tehnologııalardy kommersııalandyrýǵa grantty alý úshin aldyn-ala ótinimdi berýge ótinish;
2) osy Qaǵıdalardyń 4-qosymshasyna sáıkes nysan boıynsha ótinish berýshiniń saýalnamasy;
3) osy Qaǵıdalardyń 5-qosymshasyna sáıkes nysan boıynsha joba pasporty;
4) osy Qaǵıdalardyń 6-qosymshasyna sáıkes nysan boıynsha jobany iske asyrýdyń kórinisiniń qurylymy;
5) osy Qaǵıdalarǵa 7-qosymshaǵa sáıkes nysan boıynsha kúntizbelik jospar (ol da aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
6) osy Qaǵıdalarǵa 8-qosymshaǵa sáıkes nysan boıynsha shyǵystar smetasynyń jobasy málimdelgen/júrgizilgen shyǵyndardy rastaıtyn qujattarmen qosa (kelisim-sharttardyń, kelisimderdiń kóshirmeleri, ózge jetkizýshilerdiń balamaly baǵalyq/kommersııalyq usynystary, ınternet-resýrstarǵa siltemeler, tóleýge arnalǵan shottar, ol da aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
7) ótinish berýshiniń ǵylymı-tehnıkalyq saladaǵy jumystardy oryndaýǵa biliktiligin rastaıtyn lısenzııalardyń, patentterdiń, kýálikterdiń, dıplomdardyń, sertıfıkattardyń qujattardyń (skanerlengen) kóshirmeleri (bar bolǵan jaǵdaıda);
8) «Patenttiń izdeý týraly esepti daıarlaý» QR ST 15-11-2005 sáıkes patenttik izdeý týraly esep;
55. Ulttyq ınstıtýtpen ınnvasııalyq grantty alý ótinimin berýge týraly sheshim qabyldanǵannan keıin kelesi qujattar usynylady:
1) osy Qaǵıdalarǵa 9-qosymshaǵa sáıkes nysan boıynsha tehnologııalardy kommersıalızasııalaýǵa ınnovasııalyq grant alýǵa ótinish;
2) osy Qaǵıdalarǵa 4-qosymshaǵa sáıkes nysan boıynsha ótinish berýshiniń saýalnamasy;
3) osy Qaǵıdalarǵa 5-qosymshaǵa sáıkes ulttyq ınstıtýtqa ótinim berý satysynda nysan boıynsha joba pasporty (aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen);
4) osy Qaǵıdalardyń 6-qosymshasyna sáıkes nysan boıynsha jobany iske asyrýdyń kórinisiniń qurylymy;
5) osy Qaǵıdalarǵa 7-qosymshaǵa sáıkes nysan boıynsha kúntizbelik jospar (ol da aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
6) osy Qaǵıdalarǵa 8-qosymshaǵa sáıkes nysan boıynsha shyǵystar smetasynyń jobasy málimdelgen/júrgizilgen shyǵyndardy rastaıtyn qujattarmen qosa (kelisim-sharttardyń, kelisimderdiń kóshirmeleri, ózge jetkizýshilerdiń balamaly baǵalyq/kommersııalyq usynystary, ınternet-resýrstarǵa siltemeler, tóleýge arnalǵan shottar, ol da aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
7) basshy bolyp tabylmaıtyn tulǵaǵa ótinimdi berý, ótinimge qol qoıý, ınnovasııalyq grantty berý týraly kelisim-shartqa qol qoıý quqyǵyn beretin qujat;
8) tóleý merzimi Qazaqstan Respýblıkasynyń zańnamasyna sáıkes keıinge qaldyrylǵan jaǵdaılardy qospaǵanda, ótinim berý kúniniń aldyńdaǵy úsh aıdan astam salyq tóleýshiniń salyq beresheginiń jáne biryńǵaı jınaqtaýshy zeınetaqy qoryna mindetti zeınetaqy jarnalary, mindetti kásiptik zeınetaqy jarnalary boıynsha beresheginiń joq (bar) ekeni týraly birinshi basshynyń nemese qol qoıýǵa quqyǵy bar tulǵanyń qoly qoıylǵan jáne salyq organynyń móri basylǵan anyqtamasy;
9) zańdy tulǵalar úshin memlekettik tirkeý (qaıta tirkeý) týraly kýáliktiń* nemese anyqtamanyń bar bolýyn rastaıtyn «Elektrondy úkimet» portalynan elektrondy qujat;
Eskertý: «Qazaqstan Respýblıkasynyń keıbir zańnamalyq aktilerine zańdy tulǵalardy memlekettik tirkeý jáne fılıaldar men ókildikterdi eseptik tirkeý máseleleri boıynsha ózgerister men tolyqtyrýlar engizý týraly» 2012 jylǵy 24 jeltoqsandaǵy Qazaqstan Respýblıkasynyń Zańy qoldanysqa engizilgenge deıin berilgen zańdy tulǵany (fılıaldy, ókildikti) memlekettik (eseptik) tirkeý (qaıta tirkeý) týraly kýálik zańdy tulǵanyń qyzmeti toqtatylǵanǵa deıin jaramdy bolyp tabylady;
10) jeke tulǵalar úshin – ótinimdi qolma-qol usynǵan jaǵdaıda jeke kýáliginiń ne pasportynyń túpnusqalary men kóshirmeleri salystyryp tekserilgennen keıin túpnusqalar ótinish berýshige qaıtarylady nemese ótinim poshta arqyly túsken jaǵdaıda jeke kýáliginiń ne pasporttyń notarıaldy kýálandyrylǵan kóshirmeleri;
11) ótinimdi qolma-qol usynǵan jaǵdaıda lısenzııalardyń, patentterdiń, kýálikterdiń, dıplomdardyń, sertıfıkattardyń jáne ótinish berýshiniń ǵylymı-tehnıkalyq saladaǵy jumystardy oryndaýǵa biliktiligin rastaıtyn qujattardyń kóshirmeleri men túpnusqalary (bar bolǵan jaǵdaıda), salystyryp-tekserý júrgizilgennen keıin túpnusqalar ótinish berýshige qaıtarylady nemese ótinim poshta arqyly túsken jaǵdaıda ótinish berýshiniń ǵylymı-tehnıkalyq saladaǵy jumystardy oryndaýǵa biliktiligin rastaıtyn lısenzııalardyń, patentterdiń, kýálikterdiń, dıplomdardyń, sertıfıkattardyń jáne ótinish berýshiniń ǵylymı tehnıkalyq saladaǵy jumystardy oryndaýǵa (bolǵan jaǵdaıda) biliktiligin rastaıtyn qujattardyń notarıaldy kýálandyrylǵan kóshirmeleri.
56. Ekinshi jáne/nemese úshinshi satysyn júzege asyrýǵa úmitker jáne jobanyń birinshi satysyn iske asyrýǵa ınnovasııalyq grantqa ıe bolǵan ótinish berýshi osy Qaǵıdalardyń 55-tarmaǵynda kórsetilgen qujattarǵa qosymsha mynadaı qujattardy usynýy qajet:
1) Osy Qaǵıdalardyń 10-qosymshasyna sáıkes tehnologııalardy kommersııalandyrý strategııasy (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
2) ónimniń tájirıbelik toptamasynyń naryqqa shyǵýyna memlekettik jáne/nemese jeke menshik sektor tarapynan múddelilik bildirýin rastaıtyn haty/hattary;
57. Jobany júzege asyrýdyń birinshi satysynan ótpeı, ónimniń eksperımentaldyq ónerkásiptik toptamasyn jasaý satysynda grantqa úmitker ótinish berýshi osy Qaǵıdalardyń 55-tarmaǵynda kórsetilgen qujattarǵa qosymsha mynadaı materıaldar men qujattardy usynýy qajet:
1) ótinim berý satysynda elektrondyq tasyǵyshta óndiriske usynylǵan ónimniń tájirıbelik laboratorııalyq úlgisiniń beıne, fotomaterıaldar;
2) jasalǵan ónimniń tájirıbelik laboratorııalyq úlgisin testileý týraly tıisti esep, jobany jasaýdyń tehnıkalyq negizi (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
3) tájirıbelik laboratorııalyq úlginiń negizinde jasalǵan eksperımentaldyq ónerkásiptik úlginiń jasalýy týraly tehnıkalyq sheshim (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
4) ary-qaraı tehnologııany kommersııalandyrý týraly strategııasy bar bolýy kezinde jobanyń kommersııalyq tartymdylyǵynyń negizdemesi;
5) ónimniń testtik toptamasynyń naryqqa shyǵýyna memlekettik jáne (nemese) jeke menshik sektor tarapynan múddelilik bildirýin rastaıtyn qujattar;
6) zııatkerlik menshik nysandaryna jáne (nemese) avtorlyq quqyq nysanyna (bolǵan jaǵdaıda) quqyqtardy memlekettik tirkeý týraly kýálikterge qorǵaý qujattyn alýǵa ótinim.
58. Jobany júzege asyrýdyń birinshi jáne ekinshi satysynan ótpeı, ónimniń testtik toptamasyn jasaý shyǵarý men satý satysynda grantqa úmitker ótinish berýshi osy Qaǵıdalardyń 55-tarmaǵynda kórsetilgen qujattarǵa qosymsha mynadaı materıaldar men qujattardy usynýy qajet:
1) osy Qaǵıdalardyń 11-qosymshasynyń talaptaryna sáıkes joba bıznes-qalybynyń mazmuny (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
2) usynylatyn ónimdi óndirýge jobalyq-konstrýktorlyq qujattama (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
3) belgilengen tehnıkalyq talaptaryna sáıkestigi týraly eksperımentaldyq ónerkásiptik ónimniń synaqtan ótkizý aktisi (sondaı-aq ulttyq ınstıtýtqa ótinim berý satysynda aǵylshyn tilinde elektrondyq tasyǵyshta Word formatynda jáne PDF nemese JPEG formatynda skanerden ótkizilgen túrde usynylady);
4) shyǵarýǵa josparlanǵan ónimdi satyp alýǵa memlekettik jáne (nemese) jeke sektor tarapynan múddelilikti rastaıtyn qujat.
59. Innovasııalyq damý oblysyndaǵy ýákiletti organ nemese ýákiletti organnyń tapsyrysy boıynsha uıymdastyrylǵan baıqaýlardyń júldegeri úshin tehnologııalardy kommersııalandyrýǵa arnalǵan granttyń birinshi kezeńine talaptanatyn ótinish berýshige ulttyq ınstıtýtqa kelesi qujattardy berý qajet:
1) osy Qaǵıdalardyń 9-qosymshasyna sáıkes nysan boıynsha tehnologııalardy kommersıalızasııalaýǵa ınnovasııalyq grant alýǵa ótinish berýshiniń ótinishi;
2) osy Qaǵıdalardyń 4-qosymshasyna sáıkes nysan boıynsha ótinish berýshiniń saýalnamasy;
3) osy Qaǵıdalarǵa 7-qosymshaǵa sáıkes nysan boıynsha kúntizbelik jospar;
4) osy Qaǵıdalarǵa 8-qosymshaǵa sáıkes nysan boıynsha shyǵystar smetasynyń jobasy;
5) basshy bolyp tabylmaıtyn tulǵaǵa ótinimdi berý, ótinimge qol qoıý, ınnovasııalyq grantty berý týraly kelisim-shartqa qol qoıý quqyǵyn beretin qujat;
6) jeke tulǵalar úshin - jeke kýáliktiń túpnusqasy jáne kóshirmeleri nemese pasporttyń qolma-qol tapsyrǵanda, rastaý rásiminen keıin qujattardyń túpnusqalary ótinim berýshige qaıtarylady;
7) ótinim berýshiniń ýákiletti organ uıymdastyrǵan nemese ýákiletti organnyń tapsyrysy boıynsha uıymdastyrylǵan baıqaýdyń júldeger statýsyna ıe bolǵandyǵyn rastaıtyn qujat, sondaı-aq osy Qaǵıdalardyń 8-tarmaǵynda kórsetilgen táýelsiz saraptamany ótkizýdiń jáne táýelsiz sarapshylardy irikteýdiń osy Qaǵıdalarǵa 2-qosymshada kórsetilgen talaptaryna sáıkes ótkizilgen jobalardyń táýelsiz saraptamasynyń qorytyndysy. Táýelsiz saraptama qorytyndysyn ázirleý úshin osy Qaǵıdalardyń 3 jáne (nemese) 4-tarmaqtarynda kórsetilgen táýelsiz saraptamany ótkizýdiń jáne táýelsiz sarapshylardy irikteýdiń osy Qaǵıdalarǵa 2-qosymshada kórsetilgen talaptaryna sáıkes keletin otandyq jáne sheteldik sarapshylardy tartady.
60. Grant alýǵa ótinim ulttyq ınstıtýtqa memlekettik nemese orys tilderinde qaǵaz tasyǵyshta eki danada – túpnusqa bir danada jáne kóshirme bir danada jáne elektrondyq tasyǵyshtarda (PDF nemese JPEG formatynda skanerden ótkizilgen) skanerlengen nusqalarymen qosa beriledi.
61. Grant alýǵa ótinim materıaldary biryńǵaı jınaqtalǵan, betteri nómirlengen jáne osy Qaǵıdalardyń talaptaryna sáıkestikte resimdelgen bolýy qajet
62. Innovasııalyq grantty berý týraly kelisim-shart jasalǵan ótinimniń materıaldary ótinish berýshige qaıtarylmaıdy.
63. О́tinish berýshi usynylǵan qujattardyń, bastapqy málimetterdiń, esepterdiń, negizdemelerdiń tolyqtyǵyn jáne senimdiligin qamtamasyz etedi. О́tinish berýshi usynǵan aqparatta esepterde paıdalanylǵan málimetterdiń qaınar kózin jáne esepti júrgizý kúnin kórsetýi qajet.
Tehnologııalardy kommersııalandyrýǵa arnalǵan ınnovasııalyq granttar berý Qaǵıdalaryna 1-qosymsha
Innovasııalyq granttardy berýdiń sharttary
1. Jalpy erejeler
1. Innovasııalyq grant berý týraly kelisim-shartqa qol qoıý úshin ınnovasııalyq grant berý týraly granttyq qarajat boıynsha komıssııanyń oń usynysyn alǵan tulǵalar kelesini oryndaıdy:
Qazaqstan Respýblıkasy rezıdenti - ekinshi deńgeıdegi bankte shot ashylady jáne zańdy tulǵa qurady, nemese
qurylymdyq kapıtalyndaǵy bóligi jobanyń basshysy jáne (nemese) komandanyń múshelerine berilse – qoldanystaǵy zańdy tulǵany qoldana otyryp, Qazaqstan Respýblıkasy rezıdenti - ekinshi deńgeıdegi bankte qosymsha shot ashady.
2. Innovasııalyq granttardy ónimniń tájirıbelik laboratorııalyq
úlgisin jasaý kezeńinde berýdiń sharttary
2. О́nimniń ekspertımenttik úlgisin jasaý kezeńindegi grant kelesi jumys túrleriniń birin nemese keıbirin oryndaý úshin beriledi:
1) birlesip oryndaýshylardy tartý múmkindigimen zerthanalyq úlgini nemese bastapqy konstrýksııany ekspertımenttik úlginiń nemese prosestiń jumys isteıtin úlgige nemese prosesine deıin óniminiń tehnıkalyq sıpattamasymen qosa jetkizý;
2) jasalǵan ekspertımenttik úlgini testileýden ótkizý;
3) ónimniń tájirıbelik úlgisin jasaýdyń tehnıkalyq sheshimderin jobanyń tehnıkalyq iske asyrylýyn negizdeýmen ázirleý;
4) jobanyń kommersııalyq tartymdylyǵyn negizdeý;
5) zııatkerlik menshik nysandaryna jáne (nemese) avtorlyq quqyq nysanyna quqyqtardy memlekettik tirkeý týraly kýálikterge qorǵaý qujattaryn alýǵa ótinim berý.
3. О́nimniń ekspertımenttik úlgisin jasaý satysyna beriletin granttyń jalpy somasy beriledi jáne negizdelip málimdelgen shyǵyndardyń 95 (toqsan bes) paıyzyn quraıdy, biraq 5 000 000 (bes mıllıon) teńgeden artyq emes jáne:
1) ónimniń tájirıbelik laboratorııalyq úlgisin jasaý úshin qajetti jabdyqtardy satyp alý;
2) ónimniń tájirıbelik laboratorııalyq úlgisin jasaý úshin materıaldar men jınaqtaýshy buıymdardy satyp alý;
3) zerthanalyq jáne (nemese) jartylaı ónerkásiptik synaqtardy júrgizý, sonyń ishinde óndiristik jáne (nemese) keńselik bólmeni jalǵa alý;
4) úshinshi tulǵalarmen (birlesip oryndaýshylarmen) atqarylatyn jumystarǵa tóleý;
5) joba komandasy músheleriniń eńbek aqysyn tóleý qory;
6) eńbek aqysynan aýdarym (áleýmettik salyq jáne áleýmettik aýdarym);
7) issaparlyq shyǵystar;
8) ústeme shyǵystar;
9) zııatkerlik menshik nysandaryna qorǵaý qujatyn alýǵa jáne/nemese quqyqty memlekettik tirkeýden ótkizý týraly kúáligin alý týraly ótinim berý shyǵyndary úshin beriledi.
4. Shyǵyndardyń bóligin qarjylandyrylýy ulttyq ınstıtýt pen grant alýshynyń arasynda jasalǵan ınnovasııalyq grantty berý týraly kelisim-shartqa sáıkes kezeń-kezeńimen júrgiziledi.
5. О́nimniń tájirıbelik laboratorııalyq úlgisin jasaýǵa berilgen grantty ıgerý merzimi 12 (on eki) aıdan aspaýy tıis.
6. Grant alýshynyń grant qarajattaryn ónimniń tájirıbelik laboratorııalyq úlgisin jasaý satysynda ıgerýdiń nátıjesi retinde:
1) daıyn tájirıbelik laboratorııalyq úlgisi;
2) jobalyq- konstrýktorlyq qujattar;
3) synaq týraly esep jáne akti;
4) «Patenttiń izdeý týraly esepti daıarlaý» QR ST GOS 15